Simone Veil

Dialäkt: Mìlhüüserdiitsch
D’ Simone Veil ànna 1984

D’ Simone Veil Fr-Simone Veil.ogg [si.mɔn vɛj] (* àls Simone Annie Liline Jacob àm 13. Jüüli 1927 z’ Nizza; † 30. Jüüni 2017 z’ Pàriis) ìsch a frànzeescha Verwàltungsbeàmtin, Schtààtsfràui un Juudavernìchtungsìwwerlaawenda gsìì.

Vu 1974 bis 1979 ìsch sa frànzeescha Gsundhaitsminìschtera gsìì. Ànna 1975 hàt sa s’ Gsätz um d’ Äntkriminàlisiarung vum Schwàngerschàftsàbbruch zur Àbschtìmmung gbrocht, wo-n-àls loi Veil bekànnt ìsch. Vu 1979 bis 1993 ìsch sa Mìtglìed ìm Öiropäischa Pàrlàmant gsìì, wo sa vu 1979 bis 1982 ìhra Presidànta gsìì-n-ìsch. Vu 1993 bis 1995 ìsch sa Soziààlminìschtera vu Frànkrììch gsìì. Vu 1998 bis 2007 ìsch sa Mìtglìed ìm Verfàssungsroot gsìì, un Mìtglìed ìn dr Académie française àb’m 20. Nowamber 2008.


© MMXXIII Rich X Search. We shall prevail. All rights reserved. Rich X Search